Dünyanın ən ölümcül qidası gündəlik süfrələrdə

Ölümcül təhlükə: Manyokun sirri

Dünya miqyasında hər gün milyonlarla insanın qida rasionunda yer alan manyok bitkisi, zahirən adi bir kök tərəvəz kimi görünür. Afrika, Cənubi Amerika və Asiyanın tropik regionlarında düyü və kartof qədər geniş yayılan bu tərəvəz, mütəxəssislərin xəbərdarlığına görə, düzgün hazırlanmadıqda insan sağlamlığı üçün ciddi təhlükə yarada bilər, hətta ölümcül zəhər istehsal edə bilər.

Siyanür qazı: Gizli təhlükə

Bu kök tərəvəzin qabığında linamarin adlı təbii bir kimyəvi maddə mövcuddur. Həmin maddə, bişirmə prosesi yanlış aparıldıqda, insan orqanizmində həzm zamanı zəhərli qaz ifraz edir. Cüzi miqdarda belə, bu qaz başgicəllənmə, ürəkbulanma, tənəffüs çətinliyi kimi ağır simptomlara və hətta ölümə səbəb ola bilər. Ümumdünya Səhiyyə Təşkilatının (ÜST) məlumatlarına əsasən, hər il yüzlərlə insan manyok zəhərlənməsi nəticəsində həyatını itirir.

Düzgün hazırlanma qaydaları

Lakin manyok düzgün üsullarla hazırlandıqda tamamilə təhlükəsiz və faydalı bir qida məhsuluna çevrilir. Mütəxəssislər onun istehlakı üçün aşağıdakı addımları tövsiyə edirlər: əvvəlcə qabığı tamamilə soyulmalı, sonra incə dilimlənib ən az 24 saat təmiz suda saxlanılmalı, ardınca isə yaxşıca qaynadılmalı və ya qızardılmalıdır. Bu diqqətli hazırlıq prosesləri, bitkinin tərkibindəki zəhərli birləşmələrin təsirini effektiv şəkildə aradan qaldırır. Beləliklə, düzgün bişirilmiş bu tərəvəz həm doyurucu, həm də yüksək qidalılığa malik bir məhsula çevrilir.

Həyat mənbəyi, yoxsa ölümcül silah?

Bu bitki yüksək miqdarda karbohidrat, kalium və lif ehtiva etdiyi üçün əhəmiyyətli bir enerji mənbəyidir. Xüsusilə Afrikada milyonlarla insan üçün aclıqla mübarizədə əsas qida məhsulu kimi böyük əhəmiyyət kəsb edir. Lakin unutmaq olmaz ki, ən kiçik bir hazırlıq səhvi belə, bu "həyat qaynağını" ölümcül bir silaha çevirmək gücünə malikdir.

24 saat