Zəfərdən sonra tənqidin hədəfi bir nəfər oldu

Nihat Kahveci Gürcüstan qələbəsini dəyərləndirdi

Keçmiş milli futbolçu və hazırda futbol şərhçisi olan Nihat Kahveci, Türkiyənin 2026 Dünya Kuboku Avropa seçmə mərhələsində Gürcüstan üzərində qazandığı 4-1 hesablı qələbəni "Kontraspor" YouTube kanalında şərh edib.

"Hər kəs çox yaxşı oynadı"

Son illərdə izlədiyi ən yaxşı milli komanda performanslarından biri olduğunu qeyd edən Nihat Kahveci bunları deyib: "Rəqib San Marino və ya oxşar komanda deyildi. Rəqib yaxşı oyunçulara sahib olan Gürcüstan idi. Tamaşaçılar prosesə çox yaxşı daxil oldular və sanki futbol dərsi keçdik. Hər kəs çox yaxşı oynadı. Texniki heyətdən tutmuş oyunçulara qədər, möhtəşəm atmosferi təmin edən tamaşaçıları alqışlayıram və təbrik edirəm. Halal olsun uşaqlar! Heyətdə olan hər kəsi təbrik edirəm".

"Topu rəqibə verəndə təhlükə başlayır"

2-0 hesabından sonra Gürcüstanın ümidlərini qırdığımızı ifadə edən Kahveci, "Onlara buradan necə çıxacağımızı düşündürtdük. 52 dəqiqəlik hissədə ən yaxşı futbolu oynadıq. Bu futbolla İspaniya səfərində də nələrisə görmək istəyirəm. Evdəki o bərbad futbolu görməyək. Topu rəqibə verəndə təhlükə başlayır. Son 40 dəqiqədəki oyun da bu səbəbdən oldu. Biz topa sahib olmalıyıq. Topu rəqibə verdiyimiz zaman daha yaxşı müdafiə olunmalıyıq" deyə bildirib.

"Hakan və Arda həyəcanlandırır"

Hakan Çalhanoğluna təriflər yağdıran Nihat Kahveci, "Maşallah, super oynadı. Standart vəziyyətlərdən əziyyət çəkən bir komanda idik. İndi vəziyyət tamamilə əksinədir. Hakan və Arda Gülerin ötürmələri məni həyəcanlandırır" şəklində danışıb.

"Özbaşına hərəkət olmaz"

Milli komanda düşərgəsini tərk edən Berke Özeri tənqid edən Nihat Kahveci, "Əgər baş məşqçinin açıqlamaları doğrudursa və səhər saat 4-də mesaj yazıb getdisə, Berke Özerin haqlı olduğunu düşünmürəm. AFFA-nın etdiyi açıqlamalara görə, burada Berkeni müdafiə edə bilmərəm. Bura Türkiyə milli komandasıdır. Hər kəsin qaçaraq gəldiyi, xəyal qurduğu yerdir. Mənə sözlər verildi, yerinə yetirildi və icazə ilə ayrıldım dedi, amma iş elə görünmür. İcazəsiz, özbaşına getdisə, olmaz" deyərək sözlərini tamamlayıb.

24 saat