DNT araşdırması: Türklərin ən çox bənzədiyi millət açıqlandı

Bilkent Universitetinin Molekulyar Biologiya və Genetik şöbəsinin rəhbərliyi altında, Koç Universiteti Suna İnan Kıraç Vəqfi Sağlamlıq Elmləri, Rokfeller Universiteti, Yel Universiteti, Kardiff Universiteti və Mount Sinai İkahn Tibb Məktəbinin iştirakı ilə genişmiqyaslı bir tədqiqat həyata keçirilib. Bu elmi iş Türkiyənin genetik mənzərəsini dərindən öyrənməyi hədəfləyib.

Türklərin Tarixi Kökləri Geniş Tədqiq Edildi

Türk cəmiyyətinin mənşəcə ən çox hansı topluma yaxın olduğunu müəyyən etmək məqsədilə Türkiyənin 81 vilayətindən təxminən 4 min insanın DNT-si dərindən araşdırılıb. Bu böyük miqyaslı tədqiqat, türk xalqının genetik keçmişinə işıq salmaq üçün önəmli bir addım olaraq dəyərləndirilir.

Layihənin koordinatorlarından biri, Bilkent Universiteti müəllimi Prof. Dr. Tayfun Özçelik, tədqiqatın nəticələri barədə məlumat verərək bildirib: "Çalışmamızın nəticələri, Türkiyənin genetik müxtəliflik baxımından bir bütövlük təşkil etdiyini və eyni zamanda yüksək səviyyədə genetik müxtəliflik ehtiva etdiyini ortaya qoydu."

Anadolunun Genetik Körpüsü: İtaliya və İspaniya ilə Yaxın Qohumluq

Anadolunun Asiya, Avropa və Afrika qitələri arasında tarixi boyunca coğrafi bir körpü rolunu oynadığını vurğulayan professor Özçelik, əlavə edib: "Filogenetik baxımından da Türk cəmiyyəti bu körpü vəzifəsinin təsirlərini əks etdirir. Türk cəmiyyətinin genetik cəhətdən xüsusilə İtaliyanın Toskana bölgələrində yaşayan insanlarla yaxın bir əlaqəyə malik olduğu müşahidə edilib."

Bu yaxın əlaqənin ikinci sırasındakı ölkə isə İspaniya olaraq müəyyən edilib. Professor bu bulğuların, Anadolunun ilk əkinçilərinin Neolit dövründə Avropaya doğru reallaşan genişmiqyaslı köçünün genetik təsirlərini əks etdirə biləcəyini qeyd edib.

Köçlərin Genetik Quruluş Üzərindəki Davamlı Təsiri

Türkiyənin strateji coğrafi mövqeyi Şərq ilə Qərb arasında hər zaman bir genetik körpü formalaşdırıb. Anadolu qədim Daş dövründən bu yana davam edən intensiv köç hadisələri ilə bu genetik müxtəliflik durumunu qoruyub saxlayıb. Özçelik qeyd edib: "Əsas komponentlər analizində, Türk cəmiyyətinin genetik quruluşunun fərdlər arasında olduqca dəyişkən olduğunu, lakin fərdlərin genetik baxımdan bir-birindən ayrı qruplar əmələ gətirmədiyini müşahidə etdik. Bundan əlavə, Türk cəmiyyəti ilə Balkan, Qafqaz və Yaxın Şərq cəmiyyətləri arasında da oxşar genetik komponentlərin mövcud olduğu aşkar edilib."

24 saat