“Güller ve Günahlar” serialında tətil: Maaşlar ödənilməyib

Maaşları Ödənməyən Set İşçiləri İş Durdurdu

Aylardır əməkhaqlarını ala bilməyən set işçiləri, qanuni haqlarından istifadə edərək işi dayandırma aksiyası keçiriblər. Lakin iddialara görə, prodüser şirkəti nümayəndələri işçilərin bu addımını "iste'fa" kimi dəyərləndirərək, onları setə buraxmayıblar.

"Sine-Sen"dən Sərt Reaksiya

Kino Əməkçiləri Həmkarlar İttifaqı ("Sine-Sen") baş verən hadisə ilə bağlı yazılı bəyanat yayımlayaraq, prodüser firmasının mövqeyini kəskin şəkildə tənqid edib. Açıqlamada NGM şirkətinin davranışının Əmək Məcəlləsinə açıq-aşkar zidd olduğu vurğulanıb.

"Sine-Sen"in Bəyanatında Qeyd Olunanlar:

"NGM prodüserliyində çəkilən "Güllər və Günahlar" serialında çalışan set işçiləri uzun müddətdir ki, əməkhaqlarını almırlar. Bu səbəbdən bəzi işçilər 4857 saylı Əmək Məcəlləsinin 34-cü maddəsi çərçivəsində işləməmək hüququndan istifadə ediblər.

Qeyd olunan maddəyə əsasən, işçilər əməkhaqları ödənilmədikdə iş yerində olmaqla, işi dayandırmaq hüququna malikdirlər. Bu müddət ərzində onların əmək müqavilələri ləğv edilə bilməz, yerlərinə yeni işçi götürülə bilməz və iş başqa birinə gördürülə bilməz.

Lakin NGM nümayəndələri, qanunlara zidd olaraq, işi dayandırmış əməkdaşları setə buraxmayıb və bu vəziyyəti 'iste'fa' kimi qiymətləndiriblər. Bu yanaşma həm hüquqi tənzimləmələrə, həm də fundamental işçi hüquqlarına açıq-aşkar ziddir."

"Hüquqa Uyğun Davranmağa Dəvət Edirik"

Həmkarlar İttifaqı prodüser şirkətini dərhal qanuni öhdəliklərini yerinə yetirməyə çağırıb.

Bəyanatın davamında qeyd olunub:

"Əməkhaqlarını vaxtında ödəməyən və işçilərin haqlarını pozan NGM-i hüquqa uyğun davranmağa dəvət edirik.

Əməkdaşların zərərlərinin aradan qaldırılması üçün hüquqi prosesə başlamağa hazırıq. Bütün bu müddət ərzində əməkçilərin yanında olacağıq."

24 saat